ଭୁବନେଶ୍ବର, 20.04.24 ( ପ୍ରତ୍ୟୁଷା ବ୍ୟୁରୋ):
ଜଟଣୀ ନୂଆ କ୍ୟାମ୍ପସରେ ଏକ୍ସ ଆଇ ଏମ ବି ବିଶ୍ୱବିଦ୍ୟାଳୟ ର ୧୦ମ ସମାବର୍ତ୍ତନ ଉତ୍ସବ ଅନୁଷ୍ଠିତ ହୋଇ ଯାଇଅଛି l ଟାଟା କେମିକାଲସ୍ ଲିଃ ର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଆର ମୁକୁନ୍ଦନ୍ ସମାବର୍ତ୍ତନ ଉତ୍ସବର ବକ୍ତା ଭାବେ ଯୋଗଦେଇ ବୃତ୍ତିଗତ ଶିକ୍ଷାରେ ଯୁବପୀଢ଼ିଙ୍କ ରୁଚି ଦେଶ ନିର୍ମାଣକୁ ବଳିଷ୍ଠ କରିପାରିବ ବୋଲି କହିଥିଲେ l ପ୍ରାଧ୍ୟାପକ ବିଶ୍ଵ ସ୍ୱରୂପ ମିଶ୍ର ସ୍ୱାଗତ ଭାଷଣ ଦେଇଥିଲେ l ଏହି ଅବସରରେ ସ୍ନାତ୍ତକୋତ୍ତର ବିଜ୍ଞାନ, ଏମ ବି ଏ , ରୁରାଲ ମ୍ୟାନେଜ ମେଣ୍ଟ , ସ୍କୁଲ ଅଫ ହ୍ୟୁମାନ ରିସୋର୍ସ ଇତ୍ୟାଦି ବିଭିନ୍ନ ବିଭାଗର କୃତୀ ଛାତ୍ର ଛାତ୍ରୀଙ୍କୁ ପଦକ ପ୍ରଦାନ କରାଯାଇଥିଲା l ଉତ୍ସବରେ ବିଶ୍ଵବିଦ୍ୟାଳୟର ଭାଇସ ଚାନସ୍ ସେଲର ଫାଦର ଏ କେ ଆଣ୍ଟୋନି ପ୍ରମୁଖ ଅଭିଭାଷଣ ପ୍ରଦାନ କରିଥିଲେ l କାର୍ଯ୍ୟକ୍ରମର ଆରମ୍ଭରେ ପ୍ରାର୍ଥନା ଗାନ କରାଯାଇଥିଲା l
