ଭୁବନେଶ୍ବର : ୦୬ /୧୧/୨୦୨୫( ପ୍ରତ୍ୟୁଷା ବ୍ୟୁରୋ )ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ ବିଶ୍ୱବିଦ୍ୟାଳୟ, ଭୁବନେଶ୍ୱର, ନଭେମ୍ବର ୨୦୨୫ ରେ ଭୁବନେଶ୍ଵରର ପୁରୁଣାକ୍ୟାମ୍ପସରେ ଏହାର ପ୍ରତିଷ୍ଠା ଦିବସ ପାଳନ କରିଛି ।ଏହି ଉତ୍ସବ ବିଶ୍ୱବିଦ୍ୟାଳୟର କୀର୍ତ୍ତି, ନିରନ୍ତର ବିକାଶ ଓ ଶ୍ରେଷ୍ଠତା ପାଇଁପ୍ରତିବଦ୍ଧତା ର ଅନୁସ୍ମାରକ ଥିଲା।ଏହି ଉତ୍ସବର ମୁଖ୍ୟ ଆକର୍ଷଣ ଥିଲେ ଅମ୍ବୁଜା ନିଓଟିଆ ଗ୍ରୁପ୍ର ଚେୟାରମ୍ୟାନ୍ ଶ୍ରୀ ହର୍ଷବର୍ଦ୍ଧନ ନେଓଟିଆ। ଜଣେ ବିଶିଷ୍ଟ ଉଦ୍ୟୋଗୀତଥା ଦୂରଦୃଷ୍ଟିସମ୍ପନ୍ନ ବ୍ୟକ୍ତି, ଶ୍ରୀ ନେଓଟିଆଙ୍କୁ ସାମାଜିକ ବିକାଶ କ୍ଷେତ୍ରରେ ଅବଦାନ ପାଇଁ ୧୯୯୯ରେ ପଦ୍ମଶ୍ରୀ ପ୍ରଦାନକରାଯାଇଥିଲା। ସୁଲଭ ସହରାଞ୍ଚଳ ଗୃହ ନିର୍ମାଣକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ସେ ପଶ୍ଚିମବଙ୍ଗ ସରକାରଙ୍କ ସହଯୋଗରେପ୍ରତିଷ୍ଠିତ ବଙ୍ଗଳା ଆମ୍ବୁଜା ହାଉସିଂ ଡେଭଲପମେଣ୍ଟ ଲିମିଟେଡର ଭାରତର ଅନ୍ୟତମ ଅଗ୍ରଣୀ ମିଳିତ ଉଦ୍ୟୋଗର ପ୍ରତିଷ୍ଠାତା ଅଟନ୍ତି।ତାଙ୍କର ଗୁରୁତ୍ଵପୂର୍ଣ୍ଣ ପ୍ରକଳ୍ପ “ଉଦୟନ” କୁ ଭାରତ ସରକାର ଏକ “ମଡେଲ ହାଉସିଂ ପ୍ରୋଜେକ୍ଟ” ଭାବରେ ମାନ୍ୟତା ଦେଇଥିଲେ।ଶ୍ରୀ ହର୍ଷବର୍ଦ୍ଧନ ନିଓଟିଆ ଭାରତର ଆର୍ଥିକ ଅଭିବୃଦ୍ଧି, ବୈଶ୍ମିକ ସ୍ଥିତି, ଭିତ୍ତିଭୂମି ଏବଂ ଡିଜିଟାଲ୍ ନବସମ୍ଭାବନାରେ ହୋଇଥିବାଅବିଶ୍ୱାସନୀୟ ଅଗ୍ରଗତିକୁ ପ୍ରଶଂସା କରିଥିଲେ। ଭୂ-ରାଜନୀତି, ଅସମାନତା, ଏବଂ ଟେକ୍ନୋଲୋଜିଆଲ୍ ବ୍ୟବସ୍ଥାରେ ପରିବର୍ତ୍ତନ ଭଳିଆହ୍ଵାନଗୁଡ଼ିକ ଉପରେ ବିଚାର କରି ସେ ଯୁବପିଢ଼ିଙ୍କୁ ସଚ୍ଚୋଟତା, ଉତ୍ସାହ, କୁତୂହଳ, ଅନୁଶାସନ ଏବଂ ବିନମ୍ରତା ସହିତ ଭବିଷ୍ୟତକୁ ଗ୍ରହଣକରିବାକୁ ପ୍ରେରଣା ଦେଇଥିଲେ।ରେଭରେଣ୍ଡ ଶ୍ରୀ, ରାଜୀବ କାଉଲ, ଫା. ଜେରୋମ କୁଟିନହା, ଏସ.ଜେ., ଡା. ଫା. କାସିମିର, ଏସ୍ ଜେ, କୁଳପତି, ରେଭରେଣ୍ଡ୍ ଫା. ଏସ୍.ଆଣ୍ଟୋନି ରାଜ, ଏସ୍ ଜେ, ରେଜିଷ୍ଟ୍ରାର୍, ରେଭରେଣ୍ଡ୍ ଫା. ଭି. ଆରୋକ୍ୟାଦାସ, ଏସ ଜେ, ଡେପୁଟି ରେଜିଷ୍ଟ୍ରର, ବୋର୍ଡ ସଦସ୍ୟ,ଅଧ୍ୟାପକ ଅଧ୍ୟାପିକା ବୃନ୍ଦ, କର୍ମଚାରୀ ଏବଂ ବିଶ୍ୱବିଦ୍ୟାଳୟର ଛାତ୍ରଛାତ୍ରୀଗଣ ଏହି ସମାରୋହ ରେ ଉପସ୍ଥିତ ଥିଲେ।
