ପ୍ରଧାନମନ୍ତ୍ରୀଙ୍କ ଦ୍ବାରା ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପ୍ରୟାସ ‘ବନତାରା’ ଉଦଘାଟିତ ।
ଅହମଦାବାଦ: ୦୪/୩/୨୦୨୫ ( ପ୍ରତ୍ୟୁଷା ବ୍ୟୁରୋ ) ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଗୁଜରାଟର ଜାମନଗରଠାରେ ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପଦକ୍ଷେପ ବନତାରାକୁ ଉଦଘାଟନ କରିଛନ୍ତି। ଶ୍ରୀ ଅନନ୍ତ ଅମ୍ବାନୀ ଏବଂ ତାଙ୍କ ସହଯୋଗୀମାନଙ୍କର ସହାନୁଭୂତିଶୀଳ ପ୍ରୟାସକୁ ପ୍ରଶଂସା କରି ସେ କହିଛନ୍ତି ଯେ ପରିବେଶଗତ ଦୀର୍ଘସ୍ଥାୟିତ୍ଵ ଏବଂ ବନ୍ୟପ୍ରାଣୀ କଲ୍ୟାଣକୁ ପ୍ରୋତ୍ସାହନ ଦେବା ସହିତ ବନତାରା ପ୍ରାଣୀମାନଙ୍କ ପାଇଁ ଏକ ନିରାପଦ ଆଶ୍ରୟସ୍ଥଳୀ ପ୍ରଦାନ କରିଥାଏ। ଏକ୍ସରେ ଏକାଧ୍ଵ ପୋଷ୍ଟ କରି ସେ ଲେଖୁଛନ୍ତି: ”ପରିବେଶଗତ ଦୀର୍ଘସ୍ଥାୟିତ୍ଵ ଏବଂ ବନ୍ୟପ୍ରାଣୀ କଲ୍ୟାଣକୁ ପ୍ରୋତ୍ସାହିତ କରିବା ସହିତ ପ୍ରାଣୀମାନଙ୍କୁ ଏକ ନିରାପଦ ଆଶ୍ରୟ ପ୍ରଦାନ କରୁଥିବା ଏକ ଅନନ୍ୟ ବନ୍ୟଜନ୍ତୁ ସଂରକ୍ଷଣ, ଉଦ୍ଧାର ଏବଂ ଥଇଥାନ ପଦକ୍ଷେପ, ବନତାରା ଉଦଘାଟନ କରିଛି। ଏହି ସହାନୁଭୂତିଶୀଳ ପ୍ରୟାସ ପାଇଁ ମୁଁ ଅନନ୍ତ ଅମ୍ବାନୀ ଏବଂ ତାଙ୍କର ସମସ୍ତ ସହଯୋଗୀମାନଙ୍କୁ ପ୍ରଶଂସା କରୁଛି।’’ ”ବନତାରା ଭଳି ପ୍ରୟାସ ପ୍ରକୃତରେ ପ୍ରଶଂସନୀୟ, ଯାହା ଆମ ପୃଥିବୀରେ ବସବାସ କରୁଥିବା ଜୀବମାନଙ୍କୁ ସୁରକ୍ଷା ଦେବା ପାଇଁ ଆମର ଶହ ଶହ ବର୍ଷ ପୁରୁଣା ନୈତିକତାର ଏକ ଜୀବନ୍ତ ଉଦାହରଣ। ଏଠାରେ କିଛି ଝଲକ ଦିଆଗଲା।” ‘‘ଜାମନଗରରେ ଥିବା ବନତାରାର ଆଉ କେତେକ ଦୃଶ୍ୟ।” ”ବନତାରାରେ, ମୁଁ ଏସିଡ୍ ଆକ୍ରମଣର ଶିକାର ହୋଇଥିବା ଏକ ହାତୀକୁ ଦେଖିଲି। ହାତୀଟିକୁ ଅତ୍ୟନ୍ତ ଯତ୍ନ ସହକାରେ ଚିକିତ୍ସା କରାଯାଉଥିଲା। ଅନ୍ୟ କିଛି ହାତୀମାନେ ମଧ୍ୟ ଥିଲେ, ଯେଉଁମାନେ ଅନ୍ଧ ହୋଇଯାଇଥିଲେ। ଦୁଃଖର କଥା ହେଉଛି ମାହୁନ୍ତଙ୍କ ନିର୍ଯାତନାର ଶିକାର ହୋଇ ସେମାନଙ୍କ ଅବସ୍ଥା ଏପରି ହୋଇଥ୍ଲା ।ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ଗୋଟିଏ ହାତୀକୁ ଧକ୍କା ଦେଇଥିଲା । ଏହା ଏକ ଗୁରୁତ୍ଵପୂର୍ଣ ପ୍ରଶ୍ନ ସୃଷ୍ଟି କରିଥାଏ । ମଣିଷ କିପରି ଏତେ ଅସାବଧାନତା ଏବଂ ନିଷ୍ଠୁର ହୋଇପାରିବେ? ଆସନ୍ତୁ ଏପରି ଦାୟିତ୍ବହୀନତାର ଅନ୍ତ କରିବା ଏବଂ ପ୍ରାଣୀମାନଙ୍କ ପ୍ରତି ଦୟା ଦେଖାଇବା ।
