ଭୁବନେଶ୍ବର, 9/06/23 (ପ୍ରତ୍ୟୁଷା ବ୍ୟୁରୋ):ଜୁନ୍ ୨ ତାରିଖରେ ବାଲେଶ୍ଵର ଜିଲ୍ଲାର ବାହାନଗା ଠାରେ ରେଳ ଦୁର୍ଘଟଣାରେ ମୃତ୍ୟୁ ବରଣ କରିଥିବା ମୃତକଙ୍କ ପରିବାରକୁ ଉପଦେଶ ଦେବା ସହିତ ସେମାନଙ୍କ ପିଲାଙ୍କୁ ରୟାଲ ଗ୍ରୁପ ଅଫ୍ ଇନ୍ଷ୍ଟିଚ୍ୟୁସନ୍ ପକ୍ଷରୁ ଭୁବନେଶ୍ୱର ରେ ଥିବା ରୟାଲ କଲେଜ ଅଫ୍ ସାଇନ୍ସ ଏଣ୍ଡ ଟେକ୍ନୋଲୋଜି, ରୟାଲ ପବ୍ଲିକ୍ ସ୍କୁଲ ଏବଂ ବାଲେଶ୍ଵରରେ ଜିଲ୍ଲାର ମଇତାପୁରରେ ଥିବା ରୟାଲ ହାଇସ୍କୁଲ ଓ ରୟାଲ୍ ପବ୍ଲିକ୍ ସ୍କୁଲ ମାଟିରେ ପାଠ ପଢ଼ାଇବାକୁ ଘୋଷଣା କରାଯାଇଅଛି । ଦୁର୍ଘଟଣାରେ ଓଡ଼ିଶା ରାଜ୍ୟର ଉଭୟ ପିତାମାତା କିମ୍ବା କେବଳ ପିତା ବା ମାତାଙ୍କୁ ହରାଇଥିବା ପିଲାମାନେ ଶିକ୍ଷା ଗ୍ରହଣ ପାଇଁ ଆଗ୍ରହ ପ୍ରକାଶ କଲେ ପ୍ରଥମ ଶ୍ରେଣୀରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଉଭୟ ଓଡ଼ିଆ ଓ ଇଂରାଜୀ ମାଧ୍ୟମରେ ସେମାନଙ୍କ ପାଗ୍ୟତା ଅନୁସାରେ ମାଗଣା ରହିବା, ଖାଇବା ସହିତ ଶିକ୍ଷା ପ୍ରଦାନ କରାଯିବାର ବ୍ୟବସ୍ଥା କରାଯାଇଛି । ଏଥିପାଇଁ ସଂପୃକ୍ତ ପରିବାରର ସଂପର୍କୀୟଙ୍କୁ ଯୋଗାଯୋଗ କରିବା ପାଇଁ ରୟାଲ ଗ୍ରୁପ ଅଫ୍ ଇନ୍ଷ୍ଟିଚ୍ୟୁସନ୍ସ ର ଚେୟାରମ୍ୟାନ୍ ଡଃ, ବିଷ୍ଣୁମୋହନ ମହାନ୍ତି ସୂଚନା ଦେଇଛନ୍ତି । ଏଠାରେ ସୂଚନାଯୋଗ୍ୟ ଯେ ରୟାଲ ଗ୍ରୁପ ଅଫ୍ ଇନ୍ଷ୍ଟିଚ୍ୟୁସନ୍ ସମଗ୍ର ରାଜ୍ୟରେ ଶିକ୍ଷାକ୍ଷେତରେ ଏକ ଅଗ୍ରଣୀ ଶିକ୍ଷାନୁଷ୍ଠାନ ଭାବରେ ପରିଗଣିତ ହୋଇପାରିଛି । ଏହି ଅବସରରେ ହୋଟେଲ୍ ନିୟୁ ମାରିନ୍, ରାମ ମନ୍ଦିର ଛକ, ଭୁବନେଶ୍ୱର ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ରୟାଲ ଗ୍ରୁପ ଅଫ୍ ଇନ୍ଷ୍ଟିଚ୍ୟୁଟ ର ଚେୟାରମ୍ୟାନ୍ ତ ବିଷ୍ଣୁମୋହନ ମହାନ୍ତି, ଭାଇସ୍ ଚେୟାରମ୍ୟାନ୍ ମିଲନ୍ ମହାନ୍ତି ଉପସ୍ଥିତ ଥିଲେ ।
