ବଡ଼ମ୍ବା – ନରସିଂହପୁରର ଓ ଏ ଏସ୍ ଯୋଗ୍ୟତା ଅର୍ଜନ କରିଥିବା ପ୍ରତିଭାଙ୍କୁ ସାର୍ପ ଦ୍ୱିତୀୟ ଯୁବ ପ୍ରତିଭା ସମ୍ମାନ ପ୍ରଦାନ ।

ଭୁବନେଶ୍ଵର, ୦୩/ ୧୧/୨୦୨୪ ( ପ୍ରତ୍ୟୁଷା ବ୍ୟୁରୋ ):ନରସିଂହପୁରର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଓ ଏହାର ସମ୍ପାଦକ ବିଜୟ କୁମାର ପଣ୍ଡା ଙ୍କ ଅଦମ୍ୟ ଚେଷ୍ଟା ଫଳରେ ରବିବାର ପୋଲିସ ଭବନ ପରିସରରେ ଦ୍ୱିତୀୟ ଯୁବ ପ୍ରତିଭା ସମ୍ମାନ ପ୍ରଦାନ କରାଯାଇଛି। ଚଳିତ ବର୍ଷ ଓ ଏ ଏସ ପରୀକ୍ଷାରେ ବିଭିନ୍ନ ସୋପାନରେ କୃତିତ୍ୱ ଅର୍ଜନ କରିଥିବା ବଡ଼ମ୍ବା ଓ ନରସିଂହ ପୁର ଅଞ୍ଚଳର ୧୨ ଜଣ ପ୍ରତିଭାଙ୍କୁ ସମ୍ବର୍ଦ୍ଧିତ କରା ଯାଇଥିଲା। ଆଇ ପି ଏସ ତଥା ବରିଷ୍ଠ ପୋଲିସ ଅଧିକାରୀ ଏ ଡି ଜି ସଞ୍ଜୀବ ପଣ୍ଡା, ବରିଷ୍ଠ ପ୍ରଶାସକ ସୁରେଶ ପଣ୍ଡା, ସର୍ପର ସଭାପତି କୁଳମଣି ବାରିକି ଏହି ଅବସରରେ କୃତୀ ସନ୍ତାନଙ୍କୁ ମାନଙ୍କୁ ସମ୍ବର୍ଦ୍ଧିତ କରିଥିଲେ। କାର୍ଯ୍ୟକ୍ରମକୁ ସଂଯୋଜନା କରିଥିଲେ ଅଧ୍ୟାପକ ପ୍ରଫୁଲ୍ଲ କୁମାର ସାହୁ। କାର୍ଯ୍ୟକ୍ରମରେ ବଡ଼ମ୍ବା ନରସିଂହ ପୁର ଅଞ୍ଚଳର ବହୁ ବୁଦ୍ଧିଜୀବୀ ଏହି ଅବସରରେ ଉପସ୍ଥିତ ଥିଲେ। ଉଲ୍ଲେଖ ଯୋଗ୍ୟ ଯେ ସାର୍ପ ଗତ ଦୁଇ ଦଶନ୍ଧି ଧରି ସମାଜ ସେବା, ଶିକ୍ଷା ଓ ସମାଜ ସୁରକ୍ଷା ଦିଗରେ କାମ ଜାରି ରଖିଛି । ଯାହା ବଡ଼ମ୍ବା ନରସିଂହ ପୁର ଅଞ୍ଚଳବାସୀଙ୍କ ପାଇଁ ଗୌରବ ବିଷୟ ହୋଇଛି।