ଭୁବନେଶ୍ବର,8/10/22 (ପ୍ରତ୍ୟୁଷା ବ୍ୟୁରୋ): ଏଆଇଏଫ୍ଏଫ୍ ଅଧ୍ୟକ୍ଷ କଲ୍ୟାଣ ଚୌବେ, ଫିଫା ଡାଇରେକ୍ଟର ଅଫ୍ ୟୁଥ୍ ଟୁର୍ଣ୍ଣାମଂ ଜାମି ୟାଜା ଓ ଏଆଇଏଫ୍ଏଫ୍ ସେକ୍ରେଟାରୀ ଜେନେରାଲ ଡଃ ସାଜି ପ୍ରଭାକରନ୍ଙ୍କ ଉପସ୍ଥିତିରେ ଓଡିଶା ଟୁରିଜିମ୍, ହିରୋ ମୋଟୋକର୍ପ, ଏନ୍ଟିପିସି ଲିମିଟେଡ୍, ପାୱାର ଗ୍ରିଡ୍ କର୍ପୋରେଶନ ଅଫ୍ ଇଣ୍ଡିଆ ଓ ୟୁନାଇଟେଡ୍ ଫସ୍ଫରସ୍ ଲିମିଟେଡ୍ (ୟୁପିଏଲ୍)କୁ ୧୭ ବର୍ଷରୁ କମ୍ ମହିଳା ବିଶ୍ଵକପ୍ ଇଣ୍ଡିଆ ୨୦୨୨ ପାଇଁ ଜାତୀୟ ସମର୍ଥନକାରୀ ଭାବେ ଘୋଷଣା କରାଯାଇଛି। ଏହି ଅବସରରେ ଓଡିଶା ଟୁରିଜିମ୍, ହିରୋ ମୋଟୋକର୍ପ, ଏନ୍ଟିପିସି ଲିମିଟେଡ୍ ଓ ପାୱାର ଗ୍ରିଡ୍ କର୍ପୋରେଶନ ଅଫ୍ ଇଣ୍ଡିଆର ପ୍ରତିନିଧୂମାନେ ଉପସ୍ଥିତ ଥିଲେ ଏବଂ ଆସନ୍ତା ଅକ୍ଟୋବର ୧୧ରୁ ୩୦ ତାରିଖ ପର୍ଯ୍ୟନ୍ତ ଭୁବନେଶ୍ଵର, ଗୋଆ ଓ ନଭି ମୁମ୍ବାଇରେ ଭାରତ ଦ୍ଵାରା ଆୟୋଜିତ ହେବାକୁ ଥିବା ଦ୍ବିବର୍ଷୀୟ ଟୁର୍ଣ୍ଣାମେଟ୍ ପାଇଁ ଖୁସି ବ୍ୟକ୍ତ କରିଥିଲେ । ଏସମ୍ପର୍କରେ ଓଡିଶା ଟୁରିଜିମ୍ର ଜଏଂଟ୍ ଡାଇରେକ୍ଟର ଟୁରିଜିମ୍ ବିଶ୍ଵଜିତ ରାଉତ୍ୟ କହିଛନ୍ତି, ‘ ଓଡିଶା ଟୁରିଜିମ୍ ବିଶ୍ଵକୁ ଏହି ସୁନ୍ଦର ରାଜ୍ୟକୁ ସ୍ଵାଗତ କରୁଛି । ୧୭ ବର୍ଷରୁ କମ୍ ଫିଫା ମହିଳା ବିଶ୍ଵକପ୍ ଇଣ୍ଡିଆ ୨୦୨୨ ଭଳି ପ୍ରମୁଖ ଆନ୍ତର୍ଜାତୀୟ ଟୁର୍ଣ୍ଣାମେଗୁଡିକୁ ଆୟୋଜନ କରିବା ଦ୍ଵାରା ତାହା ଆମକୁ ଆମର ବିବିଧତା ଓ ସ୍ୱତନ୍ତ୍ର ଆତିଥେୟତାକୁ ପ୍ରଦର୍ଶନ କରିବା ପାଇଁ ଏକ ସୁଯୋଗ ପ୍ରଦାନ କରୁଛି । ଏହା କିଶୋର ବାଳକ, ବାଳିକାମାନଙ୍କୁ ଆମ ରାଜ୍ୟରେ ଏକ ବିଶ୍ବସ୍ତରୀୟ ଇଭେଟ୍ ଦେଖିବାର ସୁଯୋଗ ଦେଉଛି ଯାହା ସେମାନଙ୍କୁ ପ୍ରୋତ୍ସାହିତ କରିବ ।’ ସେହିପରି ହିରୋ ମୋଟୋକର୍ଡ ଲିଂରେ କର୍ପୋରେଟ୍ କମ୍ୟୁନିକେଶନ ଓ ସିଏସ୍ଆର୍ ମୁଖ୍ୟ ଭରତେନ୍ଦୁ କବି କହିଛନ୍ତି, ‘ଭାରତରେ ହେବାକୁ ଥିବା ଆଗାମୀ ୧୭ ବର୍ଷରୁ କମ୍ ଫିଫା ମହିଳା ବିଶ୍ଵକପ୍ ଏକ ସ୍ମରଣୀୟ ମୁହୂର୍ତ ହେବ ଏବଂ ହିରୋ ମୋଟୋକର୍ପ ଏହାର ଏକ ଅଂଶ ହୋଇ ଗର୍ବ ଅନୁଭବ କରୁଛି ।’
